საქართველოს ელჩი ჩინეთის ტრანსპორტის სამინისტროს საერთაშორისო ურთიერთობების დეპარტამენტის გენერალურ დირექტორს შეხვდა

შეხვედრის მსვლელობისას მხარეებმა დეტალურად განიხილეს სატრანსპორტო ინფრასტრუქტურის განვითარების მიმდინარე საკითხები. განსაკუთრებული ყურადღება დაეთმო „ტრანსკასპიური საერთაშორისო სატრანსპორტო მარშრუტის“ (შუა დერეფნის) გაძლიერებისა და შემდგომი განვითარების პერსპექტივებს, რაც ორ ქვეყანას შორის ეკონომიკურ და ლოგისტიკურ კავშირებს ახალ ეტაპზე აიყვანს.