საქართველოს საელჩო ჩინეთის სახალხო რესპუბლიკაში

2025 წლის 6 ივნისს, საქართველოს საგანგებო და სრულუფლებიანი ელჩი, ბატონი პაატა კალანდაძე, შეხვდა ჩინეთის სამოქალაქო ავიაციის ადმინისტრაციის (CAAC) საერთაშორისო საქმეთა დეპარტამენტის გენერალური დირექტორის მოადგილეს, ქალბატონ ბაი ვენლის. შეხვედრაზე განხილულ იქნა საქართველოსა და ჩინეთს შორის საავიაციო სფეროში თანამშრომლობის გაძლიერების შესაძლებლობები, მათ შორის პირდაპირი ფრენების დამყარებისა და სამოქალაქო ავიაციის სფეროში ორმხრივი პროექტების განვითარების პერსპექტივები.

2025 წლის 29 მაისს, თბილისის მერის მოადგილესა და შანხაის ვიცე-მერის სიე ტუნგს შორის ხელი მოეწერა  “ქ.თბილისა და ქ. შანხაის შორის მეგობრული ურთიერთობის დამყარების შესახებ მემორანდუმს“,  რაც ითვალისწინებს სხვადასხვა მიმართულებით თანამშრომლობას, მათ შორის, გამწვანების, ტრანსპორტის და ურბანული განვითარების, სპორტის, კულტურისა და სხვა სფეროებში.

2025 წლის 29 მაისს, საქართველოს საგანგებო და სრულუფლებიანი ელჩი ბატონი პაატა კალანდაძე შეხვდა ჩინეთის ეროვნული სახალხო კონგრესის მუდმივი კომიტეტის გენერალური ოფისის საგარეო საქმეთა ბიუროს გენერალურ დირექტორს, ბატონ ვანგ ვენს.

2025 წლის 27-29 მაისს, ჩინეთის სახალხო რესპუბლიკის ქალაქ შანხაიში გაიმართა საერთაშორისო ტურისტული გამოფენა „ITB China 2025“. ღონისძიებაში საქართველოს საელჩოს სახელით მონაწილეობა მიიღო პირველმა მდივანმა ნატალია კვაჭაძემ.

2025 წლის 24 მაისს, ქ. პეკინში,  საქართველოს დამოუკიდებლობის დღის აღსანიშნავად, ასევე გაიმართა კონცერტი, სახელწოდებით, „ჩინურ-ქართული კულტურის გაცვლის დღე“, რომელშიც მონაწილეობა მიიღო   ანსამბლმა „ბასიანმა“ და ჩინურმა ვოკალურმა ანსამბლმა „SingHaert“-მა.

2025 წლის 23 მაისს, ქალაქ პეკინში საქართველოს საელჩოს ორგანიზებით, სასტუმრო St. Regis Beijing-ში გაიმართა საქართველოს დამოუკიდებლობის დღისადმი მიძღვნილი ოფიციალური მიღება.