2026 წლის 4 ივნისს, ჩინური მხარის ინიციატივით, ქალაქ პეკინში, საქართველოს საელჩოში, საქართველოს ელჩმა, პაატა კალანდაძემ გამართა შეხვედრა ჩინეთის სახალხო რესპუბლიკის ტრანსპორტის სამინისტროს საერთაშორისო ურთიერთობების დეპარტამენტის გენერალურ დირექტორთან, ბატონ იუე კუოიუნგთან.
2026 წლის 29 მაისს, ჩინეთის სახალხო რესპუბლიკაში საქართველოს საელჩოს ორგანიზებით, ქ. პეკინში, სასტუმრო „The St. Regis Beijing“-ში საქართველოს დამოუკიდებლობის დღისადმი მიძღვნილი მიღება გაიმართა.
2026 წლის 26 მაისს, ჩინეთის კუანგტუნგის პროვინციის ქალაქ ჭაოცინგში, საქართველოს საგანგებო და სრულუფლებიანმა ელჩმა, პაატა კალანდაძემ მონაწილეობა მიიღო საქართველოში ჩაის კულტურის ფუძემდებლის, ლაო ჯინჯაოს (ლიუ ძუნჭოუ) სახელობის ქართული კულტურის ცენტრის გახსნის ცერემონიალში.
საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ჩართულობით.
2026 წლის 25 მაისს, ქალაქ შანხაიში, საქართველოს საგანგებო და სრულუფლებიანი ელჩი, პაატა კალანდაძე დაესწრო საქართველოს ტურიზმის ეროვნული ადმინისტრაციის მიერ ორგანიზებულ ღონისძიებას, რომელიც მიეძღვნა საქართველოს „ITB China 2026“-ში (26-28 მაისი, შანხაი) პარტნიორი ქვეყნის სტატუსით მონაწილეობას.
Happy Independence Day of Georgia! 格鲁吉亚独立日快乐！
