საქართველოს ელჩმა ჩინეთის კვებისა და ფერმენტაციის მრეწველობის ეროვნული კვლევითი ინსტიტუტის დელეგაციას უმასპინძლა

2026 წლის 29 ოქტომბერს, საქართველოს საგანგებო და სრულუფლებიანმა ელჩმა ჩინეთის სახალხო რესპუბლიკაში, პაატა კალანდაძემ, საელჩოში ჩინეთის კვებისა და ფერმენტაციის მრეწველობის ეროვნული კვლევითი ინსტიტუტის დელეგაციას უმასპინძლა, რომელსაც ინსტიტუტის საერთაშორისო თანამშრომლობის დეპარტამენტის დირექტორი, ფენგ ხაო ხელმძღვანელობდა.

შეხვედრაზე მხარეებმა ქართული ღვინის ჩინეთის ბაზარზე გავრცელების არსებულ მდგომარეობასა და გამოწვევებზე ისაუბრეს. ასევე, დასახეს ღვინის პოპულარიზაციის განახლებული გეგმა და ამ მხრივ კოორდინირებული მუშაობის გაგრძელებაზე შეთანხმდნენ.