ელჩის შეხვედრა Phoenix New Media Finance-თან
2025 წლის 16 დეკემბერს საქართველოს საგანგებო და სრულუფლებიანმა ელჩმა ჩინეთის სახალხო რესპუბლიკაში პაატა კალანდაძემ შეხვედრა გამართა “Phoenix New Media Finance”-ის ტელეწამყვანთან, ლიუ მეისისთან. შეხვედრის ფარგლებში მხარეებმა იმსჯელეს ორმხრივი თანამშრომლობის სამომავლო მიმართულებებზე, მათ შორის საქართველოს ტურისტული პოტენციალის წარმოჩენისა და ქართული კულტურის პოპულარიზაციის შესაძლებლობებზე.
“Phoenix New Media” წარმოადგენს “Phoenix Media Group”-ის ერთ-ერთ ყველაზე გავლენიან ციფრულ მედია პლატფორმას, რომელიც ჩინეთის წამყვანი სატელევიზიო მაუწყებლის “Phoenix TV”-ის მედიის ფარგლებში ფუნქციონირებს და ოფიციალური მონაცემებით, თვიურად ჩინეთში ასეულ მილიონზე მეტ მომხმარებელს ფარავს.