საქართველოს ელჩი Hong Kong Shine Tak Foundation-ის წარმომადგენელს შეხვდა
2025 წლის 27 ივნისს საქართველოს ელჩმა ჩინეთის სახალხო რესპუბლიკაში, პაატა კალანდაძემ, შეხვედრა გამართა Hong Kong Shine Tak Foundation-ის აღმასრულებელ დირექტორ ბრაიენ ჩანთან.
მხარეებმა იმსჯელეს ხელოვნებისა და კულტურის სფეროებში სამომავლო თანამშრომლობაზე ახალგაზრდობის ჩართულობით.
2014 წელს ჰონგ-კონგში დაარსებული ამ ფონდის მთავარი მისიაა ახალგაზრდობის განვითარების ხელშეწყობა სამოქალაქო განათლებისა და კულტურული გაცვლების გზით და ამ მიმართულებით განხორციელებული პროექტების საშუალებით ჰონგ-კონგის ჩამოყალიბება მსოფლიო ხელოვნებისა და კულტურის ცენტრად.
