საქართველოს საგანგებო და სრულუფლებიანი ელჩის შეხვედრა ჩინეთის სამოქალაქო ავიაციის ადმინისტრაციის საერთაშორისო საქმეთა დეპარტამენტის გენერალური დირექტორის მოადგილესთან

2025 წლის 6 ივნისს, საქართველოს საგანგებო და სრულუფლებიანი ელჩი, ბატონი პაატა კალანდაძე, შეხვდა ჩინეთის სამოქალაქო ავიაციის ადმინისტრაციის (CAAC) საერთაშორისო საქმეთა დეპარტამენტის გენერალური დირექტორის მოადგილეს, ქალბატონ ბაი ვენლის.

შეხვედრაზე განხილულ იქნა საქართველოსა და ჩინეთს შორის საავიაციო სფეროში თანამშრომლობის გაძლიერების შესაძლებლობები, მათ შორის პირდაპირი ფრენების დამყარებისა და სამოქალაქო ავიაციის სფეროში ორმხრივი პროექტების განვითარების პერსპექტივები.