საქართველოს ელჩმა მონაწილეობა მიიღოსაქართველო-ჩინეთის ბიზნეს ფორუმზე
2026 წლის 13 ოქტომბერს, ჩინეთის სახალხო რესპუბლიკაში საქართველოს საგანგებო და სრულუფლებიანმა ელჩმა პაატა კალანდაძემ მონაწილეობა მიიღო კუანგტუნგის პროვინციის ქალაქ კუანგჭოუში გამართულ საქართველო-ჩინეთის ბიზნესფორუმში.
ღონისძიება საქართველოს სავაჭრო-სამრეწველო პალატისა და ჩინეთის საერთაშორისო ვაჭრობის ხელშეწყობის საბჭოს კუანგტუნგის კომიტეტის მასპინძლობით, „სარტყელისა და გზის“ ქართული ბიზნესსახლის ორგანიზებით გაიმართა.
ფორუმის მონაწილეებს სიტყვით მიმართეს საქართველოს ელჩმა პაატა კალანდაძემ, საქართველოს სავაჭრო-სამრეწველო პალატის პრეზიდენტმა გიორგი პერტაიამ და „სარტყელისა და გზის“ ქართული ბიზნესსახლის დამფუძნებელმა ბექარ მიქაბერიძემ.
ღონისძიებაში მონაწილეობდა 30 ქართული კომპანია. ფორუმს ასევე ესწრებოდნენ ჩინეთის ადგილობრივი ხელისუფლების წარმომადგენლები.