საქართველოს ელჩის ვიზიტი ნინგსიას ღვინის მუზეუმში მდებარე საქართველოს პავილიონში

2024 წლის 8 აგვისტოს, საქართველოს საგანგებო და სრულუფლებიანი ელჩი, პაატა კალანდაძე, ქ. ინჩუანში მდებარე ნინგსიას ღვინის მუზეუმს ეწვია. მუზეუმის საგამოფენო დარბაზის მნიშვნელოვანი ნაწილი ეთმობა საქართველოს, როგორც ღვინის სამშობლოს. ვიზიტორებს საშუალება აქვთ გაიცნონ ქართული ღვინის წარმოების ისტორია და მასთან დაკავშირებული ტრადიციები.

ნინგსიას ხუეის ავტონომიური რეგიონის ცენტრ ქ. ინჩუანში განთავსებულ ღვინის მუზეუმს ყოველდღიურად ასობით ადამიანი სტუმრობს.