საიტზე მიმდინარეობს ტექნიკური სამუშაოები

ელჩმა მონაწილეობა მიიღო - “JD.com`s 2nd Ambassadors Forum“- ში

2022 წლის 2 ნოემბერს, ჩინეთის მსხვილ ინტენეტ პლატფორმა JD.com-ის ორგანიზებით, რომელსაც 600 მილიონამდე აქტიური ონლაინ-მომხმარებელი ჰყავს და ელექტრონული კომერციის კუთხით, ქვეყნის ყველაზე გავლენიან პლატფორმად ითვლება, გაიმართა ფორუმი სახელწოდებით - “JD.com`s 2nd Ambassadors Forum“.
ხსენებულ ფორუმზე, სიტყვით გამოსვლის დროს, საქართველოს საგანგებო და სრულუფლებიანმა ელჩმა, არჩილ კალანდიამ ისაუბრა საქართველოსა და ჩინეთს შორის სავაჭრო-ეკონომიკური თანამშრომლობის მუდმივი სტიმულირების მნიშვნელობაზე, ორ ქვეყანას შორის არსებული თავისუფალი ვაჭრობის შესახებ შეთანხმების, კიდევ უფრო ეფექტურად გამოყენების აუცილებლობაზე. ასევე, ელჩმა აღნიშნა JD.com-ზე საქართველოს პავილიონის წარმატებული ფუნქციონირების შესახებ, რაც ხელს უწყობს ჩინელ მომხმარებლებში ქართული პროდუქციის ცნობადობის ამაღლებას.
ღონისძიების მსვლელობის დროს, JD.com-მა საქართველოს ელჩი დააჯილდოვა მადლობის სიგელით, ჩინეთში ქართული პროდუქციის ექსპორტის ზრდის ხელშეწყობის საქმეში შეტანილი განსაკუთრებული წვლილისთვის.