საიტზე მიმდინარეობს ტექნიკური სამუშაოები

საქართველოს ეკონომიკისა და მდგრადი განვითარების მინისტრსა და ჩინეთის ტრანსპორტის მინისტრს შორის შეხვედრა გაიმართა

4-7 ნოემბერს,საქართველოს ეკონომიკისა და მდგრადი განვითარების მინისტრის ნათია თურნავას ხელმძღვანელობით, საქართველოს ოფოციალური დელეგაცია შანხაიში მიმდინარე რიგით მეორე ჩინეთის საერთაშორისო იმპორტის გამოფენაში იღებს მონაწილეობას.
ვიზიტის ფარგლებში, ეკონომიკისა და მდგრადი განვითარების მინისტრი ნათია თურნავა ჩინეთის ტრანსპორტის მინისტრს ლი სიაოპენგს შეხვდა.
შეხვედრაზე განხილული იყო საქართველოსა და ჩინეთს შორის ორმხრივი ეკონომიკური თანამშრომლობის საკითხები. განსაკუთრებული ყურადღება გამახვილდა „ერთი სარტყელი, ერთი გზის“ ინიციატივის ფარგლებში სატრანსპორტო კავშირების განვითარებაზე, ტრანსკასპიური საერთაშორისო სატრანსპორტო მარშრუტის, იგივე "შუა დერეფნის", გავლით რეგულარული ბლოკ-მატარებლების ინტენსივობის გაზრდაზე და სხვა აქტუალურ საკითხებზე.
შეხვედრას ესწრებოდნენ ეკონომიკისა და მდგრადი განვითარების მინისტრის მოადგილე გენადი არველაძე, საქართველოს ელჩი ჩინეთის სახალხო რესპუბლუკაში არჩილ კალანდია ,"საქართველოს რკინიგზის" დირექტორი დავით ფერაძე და სხვა ოფიციალური პირები.