საიტზე მიმდინარეობს ტექნიკური სამუშაოები

პეკინში გაიმართა საქველმოქმედო გამოფენა-გაყიდვა “Love Beyond Borders“

2019 წლის 27 ოქტომბერს, ჩინეთის საგარეო საქმეთა სამინისტროს და ჩინეთის სიღარიბის აღმოფხვრის სახელმწიფო ფონდის ორგანიზებით, პეკინში გაიმართა ყოველწლიური საქველმოქმედო გამოფენა-გაყიდვა “Love Beyond Borders“, სადაც მონაწილეობდნენ პეკინში აკრედიტებული დიპლომატიური მისიები, მათ შორის საქართველოს საელჩო, საერთაშორისო ორგანიზაციები და ჩინეთის სხვადასხვა პროვინციების მთავრობები.
საელჩოსთვის გამოყოფილ პავილიონში წარმოდგენილი იყო რამდენიმე სახეობის ქართული ღვინო, მინერალური წყალი, ლიმონათი და სხვადასხვა სუვენირები. ასევე, პეკინში მდებარე ქართული რესტორნის “ქართული ეზო“-ს კერძები.
საქართველოს საელჩოს პავილიონი მრავალმა სტუმარმა მოინახულა, მათ შორის ჩინეთის საგარეო საქმეთა მინისტრის პირველმა მოადგილემ, ლე იუჩენგმა და საგარეო საქმეთა სამინისტროს აღმოსავლეთ ევროპისა და ცენტრალური აზიის დეპარტამენტის დირექტორმა, სუმ ლინძიანგმა.
შემოსული თანხა საელჩომ გადარიცხა ჩინეთის სიღარიბის აღმოფხვრის სახელმწიფო ფონდში.